Понедельник
21.07.2025
07:49
КАК ВЫ ДУМАЕТЕ?
Идея о визах в Россию для стран Центральной Азии. Ваше мнение:
Всего ответов: 91
РАЗДЕЛЫ НА ЭТОЙ СТРАНИЦЕ:
ЦЕНТРАЛЬНАЯ АЗИЯ В ДВИЖЕНИИ гражданская платформа [18]
МИГРАНТЫ и МИГРАЦИЯ [251]
Женский Корпус Мира [5]
Альянс женщин Грузии и России [16]
Боевая труба [17]
Двойные стандарты [37]
Повод для оптимизма [31]
Политика равенства [69]
ПЛОХИЕ традиции [16]
Практики подавления [50]
Практики сопротивления [117]
Полезная информация [15]
Текущий момент [65]
Экономика: Ж и М [10]
Сказать своё [52]
Что вы об этом думаете? [38]
..а нам бы всё хиханьки [25]
Кыргызстан: [132]
КАРАГАНДА: битва с психологией [7]
Колонка: А. Авганов, сын своего отца [32]
Колонка Дарьи Лис: люди с безграничными возможностями [2]
Колонка Ларисы Бау: мой незамутненный взгляд [29]
Колонка Светланы Сененко: Ж+М= любовь [12]
Колонка Светланы Шакировой: расскажу про ФЕМИНИЗМ [4]
Колонка Самиры Кузнецовой: записки провинциальной девчонки [16]
Колонка Тамары Балавадзе: взгляд психолога-журналиста [33]
Колонка товарища Сухова [122]
Колонка Филиппа Улановского [8]
Колонка Яны Темиз: заметки с турецкой кухни [3]
Колонка Александра Попова: рассказы многостаночника [25]
Колонка Саида Чинкейры: чеченец в большом мире [6]
Колонка Севиндж Мамедьяровой: Я и Он(и) [2]
Колонка Медеи Гогсадзе: Грузия в контексте [95]
Чеченские журналистки : ЭХО ВОЙНЫ [14]
Литтренинг [3]
UPD на сайте [59]
АРХИВ Дело Умиды Ахмедовой, Узбекистан [71]
АРХИВ Фатима и муфтий [12]
Форма входа
ВЧЕРА-СЕГОДНЯ-ЗАВТРА
«  Август 2023  »
Пн Вт Ср Чт Пт Сб Вс
 123456
78910111213
14151617181920
21222324252627
28293031
С КЕМ МЫ ДРУЖИМ: САЙТЫ
  • Старая версия журнала КавкАзия
  • Журнал "Диалог женщин"
  • Сообщество uCoz
  • Gender Museum Украина
  • Gender Channel Украина
  • ГендерМедиаКавказ Грузия
  • Гендерные исследования в Центральной Азии, Казахстан
  • Харьковский Центр Гендерных исследований
  • Белорусская женская сеть
  • Страничка антиглобалисток из Воронежа
  • Детский Сайт, Кыргызстан
  • Российская секция Комитета за Рабочий Интернационал
  • Клуб путешественниц, Россия
  • независимая интернет-газета "Политика", Россия
  • Группа "За феминизм"
  • Журнал «Нет — значит нет»
  • Феминизм по-русски
  • Дорога к свободе. Вопросы гендерного насилия
  • Демагогия. Ру
  • ПРАВОВАЯ ПОМОЩЬ ТРУДОВЫМ МИГРАНТАМ, Казахстан
  • Гендерная страница, Россия
  • Путь Лисистраты. Радикальный феминистский ресурс, Россия
  • ADAM Антигламурный журнал, Казахстан
  • Гендерный Маршрут, Беларусь
  • GWANET Гендер и вода, Центральная Азия
  • ВЗАИМОДЕЙСТВИЕ, Молдова
  • Женщины мира в Дании
  • KGinfo.ru информационно-аналитический портал
  • Центральная Азия: Ассоциация ремесленников
  • ГОЛОС ЖЕНЩИН: объединение свободных организаций, Россия
  • МАМА СОЛО, Украина
  • ПРОФСОЮЗ трудящихся-мигрантов, занятых в строительстве, жилищно-коммунальном хозяйстве и смежных отраслях Россия
  • Дайджесты новостей по миграции Центральной Азии
  • ЖЕНЩИНА и ПОЛИТИКА, Армения
  • ВИРТУАЛЬНЫЙ РЕСУРСНЫЙ ЦЕНТР для НКО, Россия
  • Гендерная страница, Россия
  • С КЕМ МЫ ДРУЖИМ: БЛОГИ
  • Васко да Гала
  • Шупака
  • Светлана Сененко
  • Пепсиколка
  • Фото-сайт Анны Богуш
  • Наталья Биттен
  • Фото-сайт Гоги Цагарели
  • Яна Темиз
  • СМОТРИТЕ, КТО К НАМ ПРИШЕЛ!

    Онлайн всего: 1
    Гостей: 1
    Пользователей: 0
    ПОИСКАТЬ НА К@вкАзии
    ХРОНОЛОГИЯ ОПУБЛИКОВАННОГО

    К@вкАзия

    Главная » 2023 » Август » 16 » ომი
    17:56
    ომი

    ქალი - გადარჩენის სიმბოლო

     ციცინო ჯულუხიძე, ტექსტი, ფოტო

    ომი და კონფლიქტი რომ ყველაზე მეტად ქალებსა და ბავშვებს აზარელებს, ეს საყოველთაოდ ცნობილი ჭეშმარიტებაა, მაგრამ განსაკუთრებით მძიმე პოსტკონფლიქტურ სიტუაციაში გადარჩენაა, როდესაც ქალს განსაკუთრებული როლი ეკისრება: იგი უნდა შეეგუოს უცხო გარემოს, უსახლკარობას, შიმშილს, დღენიადაგ იმაზე ფიქრს, როგორ გადაარჩინოს შვილები, ოჯახის დაუძლურებული წევრები და ვინ მოთვლის, კიდევ რამდენი საზრუნავი აწვება მის მხრებს. საქართველო 30 წელზე მეტია, დაუსრულებელი ომის პირობებში ცხოვრობს. დღემდე გრძელდება მცოცავი ოკუპაცია, დღემდე იღუპებიან კონფლიქტის ზონაში მოხვედრილი ადამიანები.

    30 წელი ხდება, რაც აფხაზეთიდან გამოდევნილი ადამიანები ცდილობენ ფეხზე დადგომას. 30 წელია, იბრძვიან თვითდამკვიდრებისათვის.  ვიღაცას გამოსდის, ვიღაცას - ვერა. თავადაც აფხაზეთიდან გახლავართ, ამდენად დევნილ ქალთა ფართო წრესთან მიწევს ურთიერთობა და მინდა ვთქვა, რომ ეს ქალბატონები ნამდვილი გმირები არიან.

    ჩვენი რესპონდენტია 83 წლის სოხუმელი ქალბატონი სლემა ჭედია: „ომამდე და ომის დროსაც სამშობიარო სახლში ვმუშაობდი, ბავშვთა განყოფილებაში. ერთი დღეც არ გამოვსულვარ ქალაქიდან, მთელი 13 თვე იქ გავატარე. რკინიგზის სადგურთან ახლოს ვცხოვრობდით და სადგურის დასაბომბად გამოგზავნილი ჭურვები ჩვენს ქუჩაზე ცვიოდა. 1993 წლის მარტში ერთი ჭურვი  ჩვენს სახლსაც მოხვდა, მაგრამ გადავრჩით... ომი რომ დამთავრდა, ბედის უკუღმართობით ქალაქში ჩავრჩი. მთელი ქუჩა დაცარიელდა, მაგრამ მე მეუღლეს ველოდებოდი, არ ვიცოდი, ცოცხალი იყო თუ მკვდარი. მან ვერ მოახერხა მოსვლა, გზა მოჭრილი ჰქონდა მტერს და შუქურას მხრიდან ძლივს გაუღწევია მებრძოლთა ჯგუფთან ერთად ჭუბერისაკენ.   ექვსი თვე ხან სარდაფში ვიმალებოდი, ხან მეზობელთან. არ ვიცოდი მეუღლისა და ვაჟის ამბავი. ბოლოს როგორღაც დამიკავშირდნენ და წითელი ჯვრის მეშვეობით ჩამოვედი. ძნელია იმ მძიმე წუთების გახსენება.  თავდაპირველად მეუღლის დეიდაშვილმა გვიმასპინძლა ხონის რაიონში. ექვსი თვე მათი სითბო არ მოგვკლებია. სოფელში 2500 კვ. მეტრი მიწის ნაკვეთიც გამოგვიყვეს. რასაკვირველია, ღობის შემოსავლები ფული ჩვენ კი არა, მაშინ ადგილობრივ მცხოვრებლებსაც არ ჰქონდათ. ძეძვისა და კუნძებისაგან გავწმინდეთ, ქაცვით შემოვღობეთ და დავამუშავეთ. ცუდი დრო იყო. ყველას უჭირდა ეკონომიურად - ადგილობრივსაც და დევნილსაც. გვერიდებოდა ისედაც მრავალსულიან ოჯახში დიდხანს დარჩენა, თან ყოველდღე შინ დაბრუნებას ველოდით. ამასობაში ერთმა ნათესავმა შემოგვთავაზა სამტრედიაში, მის ბინაში გადავსულიყავით, რადგან თვითონ მოსკოვში იყო და ჯერ ჩამოსვლას არ აპირებდა. მიუხედავად მასპინძლების წინააღმდეგობისა, ჩვენი მწირი ბარგით სამტრედიაში გადავინაცვლეთ. თვალის ჩინივით ვუვლიდით ჩაბარებულ ბინას, მაგრამ რამდენიმე თვის შემდეგ იქიდანაც მოგვიწია აბარგებამ - პატრონი დაბრუნდა. ახლა სხვა სოფელში გადავედით, სადაც ერთმა გულმოწყალე შორეულმა ნათესავმა სასიმინდე დაგვითმო. მის ქვეშ პატარა ფიცრული იყო და იქ „მოვეწყვეთ“. 6 თვე აქ ვიცხოვრეთ. ზამთარი მოახლოვდა და ახალმა პრობლემებმაც იჩინა თავი -  ჩვენს ფიცრულში უკვე შეუძლებელი იყო გაჩერება. ერთი სოხუმელი ნაცნობი გამოჩნდა, რომელსაც მეზობელ სოფელში მამაპაპისეული სახლი ჰქონდა. თავად რუსეთში იყვნენ და სანდო პირებს ეძებდნენ, რომ მიებარებინათ. უარი არ გვითქვამს - არჩევანი არ გვქონდა. სახლის პატრონმა ძეძვნარად ქცეულ ეზოსთან ერთად დიდი გერმანული ნაგაზიც ჩაგვაბარა და დაგვაიმედა, სოხუმში დაბრუნებამდე საფიქრალი არაფერი გექნებათო. მოვაწესრიგეთ იქაურობა, ადრე გაზაფხულზე მიწაც დავამუშავეთ და ბოსტანიც გავაშენეთ. ავ თვალს არ ენახვებოდა, მაგრამ ზაფხულში რუსეთიდან ჩამოსულ დიასახლისს ისე მოეწონა საკუთარი კარ-მიდამო, ჩვენი იქ დატოვება გადაიფიქრა და გამოგვიცხადა, ცოტა ხანში უნდა ჩამოვიდეთ და სახლი მჭირდებაო. მერე ზრდილობისთვის დასძინა, თუ გინდათ, სადმე ერთ ოთახში თქვენც იცხოვრეთო. იქ დარჩენას აზრი აღარ ჰქონდა. დავემშვიდობეთ ჩვენს ნაშრომს და ახლა სხვა ნათესავის ნახევრად დაუმთავრებელ სახლში გადავბარგდით... მოკლედ, იქაც რამდენიმე თვე ვიცხოვრეთ. აფხაზეთში დაბრუნებას საშველი არ დაადგა, ცოცხალ ადამიანს კი უიმედობა არაფერს მისცემს. ჩვენი ამდენი ტანჯვის შემყურე ნათესავი მატერიალურად დაგვეხმარა და რაკი თითქმის ყველა ახლობელი თბილისში გვყავდა, სოფელ გლდანში, სადაც მაშინ შედარებით იაფი იყო ნაკვეთები, ამ ეზო-გარემოში ჩაგვასახლეს.. სახლი ხუხულას ჰგავდა, არც სახურავი უვარგოდა და არც იატაკი და კარ-ფანჯარა, მაგრამ, რაც მთავარია, თუ ვიშრომებდით, შინ დაბრუნებამდე იმის შიში მაინც არ გვექნებოდა, რომ ვიღაც უდროო დროს მოგვიკაკუნებდა კარზე და ბარგის აკვრას მოგვთხოვდა. ..

    ასე გავიდა წლები - მძიმე შრომასა და უსასრულო მოლოდინში, მაგრამ გავუძელით გასაჭირს. მეუღლე გარდაიცვალა...“

    ქალბატონი სლემა, ასაკის მიუხედავად, დღესაც მუხლჩაუხრელად შრომობს: მოვლილი ეზო, ბოსტანი და ორი ძროხა - ეს მისი საუფლოა, მისი მეურნეობა. უსმენ და ქედი გინდა მოიხარო მისი გამძლეობის წინაშე. თუმცა, ის გამონაკლისი არ არის.

    ანგელინა წულუკიძე პედაგოგია, მერხეულში ცხოვრობდა, საბავშვო ბაღში მუშაობდა. სოხუმის დაცემის შემდეგ  სამი მცირეწლოვანი შვილით კოდორის ხეობის გზას დაადგა. „კოდორის ხეობაში ორი კვირა გავატარეთ ნათესავებთან, - ყვება ქალბატონი ანგელინა. - მერე ცხენები გვიშოვეს და სიმწრით გადაივარეთ უღელტეხილი. საბედნიეროდ, ჭუბერში მამიდა გვყავდა და მასთან შევაფარეთ თავი.  მეუღლის არაფერი ვიცოდა, ცოცხალი იყო თუ მკვდარი. 3 დღის შემდეგ იგი სატვირთო მანქანას ამოჰყვა, ძლივს ვიცანით, ისე იყო შეცვლილი. ბავშვების მაშინდელი ემოცია ახლაც თვალწინ მიდგას. მერე წელიწად-ნახევარი სვანეთში ვცხოვრობდით, სოფ.ლუღაში, ნათესავებთან. ბავშვები სკოლაში იქ დადიოდნენ. შემდეგ წყნეთში გადმოვედით. ამასობაში  ჩემმა ძმამ, რომელსაც სახლი დაუწვეს გაგრის რაიონში და თავი ადლერს შეაფარა, თბილისში ბინა შეიძინა და იქ შეგვასახლეს. ძალიან ბევრს ვეცადე, მაგრამ სპეციალობით სამსახური ვერ ვიშოვე. მეუღლეც უმუშევარი იყო და ძალიან მძიმე მდგომარეობაში ჩავცვივდით. კი გვეხმარებოდნენ ნათესავები, მაგრამ  ხუთსულიან ოჯახს, თან მოზარდებს, მეტი სჭირდებოდა. ამიტომაც კაფე-საცხობში დავიწყე მუშაობა. ერთ წელიწადში დაიხურა, მერე სხვა კაფეში გადავედი მცხობელად და ასე შემდეგ, ვინ იცის, რამდენი ადგილი გამოვიცვალე. ათი წელი ვიდექი გახურებულ ქურასთან, ფეხზე ვეღარ ვდგებოდი, მაგრამ შვილები გზაზე უნდა დამეყენებინა და ის მაძლევდა ძალას და ენერგიას. მეუღლე მეხმარებოდა, ბავშვებს ის აქცევდა ყურადღებას. ახლა სამივეს საკუთარი ოჯახი აქვს, უმაღლესი ყველამ დაამთავრა და მყარად დგანან ფეხზე. სამწუხაროდ, მეუღლე გარდაიცვალა, ომის შედეგებმა იჩინა თავი...“

    ასეთი ისტორიები უსასრულოდ შეიძლება ვისმინოთ. დასკვნა ნათელია - ქალის ხვედრი, მისი როლი პოსტკონფლიქტურ სიტუაციაში მეტისმეტად მძიმე და განუზომელია. ამიტომაც სწორედ ქალები უნდა ჩაერთონ კონფლიქტების მოგვარებს საქმეში, რამეთუ მათზე უკეთ არავინ უწყის, რა შედეგები მოსდევს ამბიციურ პოლიტიკოსთა გაუთავებელ სწრაფვას ძალაუფლებისა და მსოფლიო ბატონობისაკენ.

    Категория: Сказать своё | Просмотров: 335 | Добавил: Gall | Рейтинг: 0.0/0
    Всего комментариев: 0
    Добавлять комментарии могут только зарегистрированные пользователи.
    [ Регистрация | Вход ]